QR kodea dugu!

Aupa! Jostailu berria probatu dugu gaurkoan. QR kodea sortu dugu jendea blog honetara bideratzeko.

ONGI ETORRI beraz. Eta jakizu blog honen egileak Lehen Hezkuntzaren ingurukoak (denetarikoak) partekatuko ditugun magisteritzako lau ikasle garela.

Polita, baietz!

 

 Hasierako orria

Hezkuntza Sistema berri baten beharra?

    Sarritan hitz egin dugu blog honetan gizarteak eta honek dituen ezaugarrien aldaketaz, baita gizarteko partaide garenon ,eta garrantzitsuagoa dena, izango direnen beharrak zeintzuk diren edo zeintzuk izan daitezkeen ere aipatzen (edo suposatzen behintzat). Beraz, gizartea eta bere inguruan biltzen duen guztia aldatzen ari bada, zergaitik Hezkuntza Sistemak berdin jaraitzen du? Zergaitik gauza berdinak irakatsi eta ikasten dira? eta zergaitik gauza horiek modu berdinean irakatsi eta ikasten dira?

    Galdera hauei erantzuna bilatzekotan bazabiltza, edota galdera hauen inguruko hausnarketa bat egin nahiean bazabiltza, agian bideo honek zertxobait lagun zaitzake: 

   

"Homo consumus" edo "Homo responsabilus"

Bideo hau ikusi genuen lehengoan eta, gaztelaniaz badago ere, oso ona iruditu zitzaigun lehen hezkuntzako ikasleentzat! "Gizarte" edo "Natur" irakasgaietan erabili liteke, beraz bi etiketak jarri dizkiogu post honi, etorkizunean erraz aurkitzeko.

Espero dugu gustatzea. Zu zer zara? "Homo consumus" edo "Homo responsabilus"?

Zer dira IKT-ak eta zertarako balio dute?

IKT

Escuela 2.0. Mucho más que 1x1 (Antonio Pérez Sanz)

Gaurko gizarte globalizatu, digital, eta geldiezin honi hezkuntza egokitzeko helburuarekin sortu zen eskola 2.0 programa. Ikasketa informal eta autonomoa, jakitearen eraikuntza soziala, eta autoikaskuntzarako konpetentzien garapenak egungo hezkuntzaren oinarria izango dira, gehien bat IKTei esker.

Gaur egun bilatzen den hezkuntza motari aurre egiteko (ikasten ikasi, alfabetizazio digital eta mediatikoa lortu…) beharrezkoa izan da IKTei bultzada bat eman, eta ikasgelak modernizatzea:

• Irakasleak ez dira denen aurrean hitz egiten jarriko, orientatzaile, laguntzaile, edo errealitate eta ikasleen arteko lotura izan beharko du besteak beste. Gaur egungo irakasleek, ikasleen gaitasunak ezagutzan jakin behar dute, beraien jarduera eta partehartzea bultzatu behar ditu, eta ahal bada, medio didaktiko propioak sortzeko gai ere izan beharko luke ikasleen beharretara egokitzeko. Horregatik, gutxieneko konpetentziak eduki beharko dituzte informazioaren tratamendurako, eta baita arlo digitalari dagokionez.
• Ikasleak ez dira izango, lehen bezala, informazio – gordetzaileak, informazioa kudeatzen ikasi beharko dute, beharren arabera informazioa jaso, kudeatu edo sortzeko. Gainera, bere kapazitate intelektualaz jabetzea ere garrantzitsua izango da, ume bakoitzak bere abiaduran autoikaskuntza bultzatu, eta hau berarentzat gero eta autonomoago eta baliagarriagoa izan dadin.
• Ingurugiro eskolarrak ere aldaketa jasan beharko du, inguru birtualak sortzeko aukera emanez, denboraren eta espazioaren mugak alde batera uztea ahalbidetuz, eta beharrezko diren Eskola 2.0-ren erremintak barneratuz, bakarkako zein taldeko ikaskuntza sustatzeko.

Oinarrizko konpetentziak beti kontuan hartuta, kasu honetan, informazioaren tratamendua eta konpetentzia digitalari dagokionari konkretuki, Eskola 2.0-ren helburua, ikasleek errealizazio pertsonala lortzea, hiritartasun aktiboa gauzatzea, bizitza helduan era egokian barneratzea eta bizitza osorako ikasketa jarraitua garatzea da. Helburu bezala, IKT-en erabilera egokiak, DBH-n graduatzen direnei informazioaren gizarte honetan aurrera era egokian ateratzen lagundu behar die.

Eskola 2.0 programa

IKT-en benetako indarra, interakziorako ahalmenean, aldibereko komunikazioetan, informazioaren errepresentazioetan eta elkarrekiko jakituriaren sorreran dago, eta horretarako, praktika pedagogikoaren aldaketa beharrezkoa da.

Dena dela, IKT-ekin ez da alderdi teknikoa lantzea bakarrik bilatzen, alderdi metodologiko eta didaktikoetan fokatu behar dira. Horretarako, XXI. Mendeko gela digitalak aurrera atera beharko dira, zeintzuek azpiegitura teknologiko egokia eta konektibitate minimo bat edukiko duten, gela hauek errealitateari irekitzeko.

Aldaketa sakonak, ikasleen konektibitate puntual edo noizbehinkakoa eta hezkuntzarekin zerikusirik ez dutenetatik haratago joatean datza, IKT-ak errekurtso bezala erabiltzen ikastea izango da helburu, beste medio bat eskura edukitzean alegia.

Eskola 2.0-ren ardatzak

• Gela digitalak
• Konektibitatea
• Irakaslegoaren etengabeko formakuntza    
• Errekurtso digitalak

Hain prestatuta dauden gela digital hauetan, arbel digital batekin eta interneteko konexioarekin, ikasle eta irakasleek eskura duten informazio guztia ikusi eta komentatu ahal izango dute. Horretarako, AGREGA bezalako baliabideak dituzte, edo gehiagotan eman daitezkeen bideoak, multimedia aurkezpenak, dokumentu digitalak, …

Bakoitzak ordenagailu bat edukitzeak, gainera, autoikaskuntza bultza dezake, horrela, gela barruko ikasle bakoitzaren gaitasunetara egokitzea errazagoa izan daitekeelarik.

Azken finean, Eskola 2.0-ren helburua XXI. mendeko kalitatea eta berdintasuna bilatzea da. Horretarako, 2009-an, lau urteko programa sortu zen lehen hezkuntzako bosgarren eta seigarren maila eta derrigorrezko bigarren hezkuntzako lehenengo eta bigarren mailako ikasleentzat. Programa hau hamazazpi autonomi erkidegoetatik hamalauk onartu zuten, denek, Valentzia, Madrid eta Murtziak ezik, hirurak Partido Popularragatik gobernatuak. Espainian egondako gobernu aldaketa dela eta, eta garai hartan bezala pentsatuz gero, nor daki programa bukatuko den, eraldatu egingo den, edo besterik gabe desagertu egingo den… ezin jakin! 

INFORMAZIOAREN GIZARTEARI EGOKITZEKO POLITIKAK

    Jakina den bezala, informazioaren eta komunikazioaren gizartean bizi gara. Baina ez da beti horrela izan, eta gizarte berri horretan murgiltzeko eta modu egoki batez integratzeko, hainbat politika jarri izan dira martxan, bai Europan, Espainian eta baita Euskadin ere. Orokorragoetatik hasita, zehatzagoetara pasata, eta arlo ezberdinetara zuzenduta.

    

     Ezinbestekoa izan da, Europak neurri eta gomendio orokor batzuk sortzea, herrialde guztiek bide berdina egin dezaten. 1994. urtean, “Europa, informazioaren gizarterantz abian” programak eman zion hasiera politika hauei, teknologiaren paradigma berriari aurre egiteko. Hortik aurrera, eEurope (2000. urtea) programak hartu zuen testigua eta horrekin batera neurri batzuk sortu ziren, politika, ekonomia zein hezkuntza sistemek jarraitu behar zituztenak. Hezkuntzaren inguruan (guri interesatzen zaiguna), irakasleen formakuntza teknologikoa, ikaskuntza iraunkorra, oinarrizko konpetentzien eguneratzea, hezkuntzaren zabalkuntza, eta beste hainbat neurri jarri ziren martxan. Guzti hau eLearning programari esker lortu nahi izan da.

    

     Espainian berriz, IKTak hezkuntzan sartzeko eta hezteko errekurtso multimediak sortzeko inbertsioak izan dira oinarria. Ikasleek, gizarte teknologikoari aurre egiteko estrategiak lor ditzaten, “internet eskolan” programa sortu zen, Europako gomendioak jarraituz. Horretarako, eskoletako infraestrukturen hobekuntza, irakasleen formakuntza, eta hezteko edukien eta softwareen garapena bultzatu zen. Bilatu nahi zena zera zen, hezkuntza tradizionaletik, garai berriek eskatzen zuten hezkuntza batetara pasatzea zen, neurri ezberdin batzuk hartuta: IKT ekipamenduak eskoletan zabaltzea, internet erabiltzeko erraztasunak, familientzako IKTen inguruko formakuntza, …. Gauzak ondo egiten ari diren seinale informazioaren tratamendu digitala konpetentziaren ezarpenak erakusten du.

   

    Euskadin, 1999 urtean eman zitzaion hasiera informazioaren gizartera egokitzeko politikari. Hezkuntza arloan, iniciativa 2000tres izan zen, benetako aurrerapausoa eman zuena, eta beranduago hobetua izan zena. Garapen pertsonala sustatzea eta eten digitala haustea ziren helburu nagusiak. Beste plan batek Premia II alegia, eskoletako internetera sarbidea erraztu zuen, seguritate eta mantentze informatikoak eskaini zituen, ekipamendu informatikoen edapena sustatu zuen, irakasleen formakuntza bermatzen duen garatu plana sortu zen (beste hainbat formakuntza plan ere sortu dira).

    

     Bai Europan, Espainian eta baita Euskadin hartu diren erabaki guzti hauek, gizarte berri honek behar dituen hiritarrak prestatzeko neurri bezala hartu dira, eta hezkuntzan hartutakoak dira, etorkizuneko gizarteko parte izango diren gaur egungo ikasleen prestakuntza ziurtatuko dutenak.

Escuela 2.0 proiektuaren bideoa.

Eva Almuniak hitz egiten du bideo honen hasieran. Estatuko Hezkuntza Ministerioko idazkari nagusiak hau esan zuen egun hartan, adibidez:

“...por eso desde el gobierno se decide situar a la educación en el epicentro de la acción política...”

Ondoren, Antonio Perezek dio eskola 2.0 ekimenaren helburua hezkuntza sistema berritzea, modernizatzea dela. Eskolak portatilekin hornitu nahi direla ikasleek tresna gisa erabili dezaten, kalkulagailua bezala... Baina hornikuntza hori baino gehiago izango dela: arbel digital interaktiboak, proiektoreak, wiffi, denetariko osagarriak... 

Oso seguru hitz egiten du bideoan eta garbi dauka eta garbi uzten saiatzen da hornikuntzaz gain irakasleen formakuntza ere garrantzitsua dela. Garrantzitsuagoa beharbada. Baina harrigarria da, hori garbi izanik, bideo honetan erakusten den IKTen erabilera hain txarra izatea. Guk (magisteritzako lau ikasle soil) ezin dugu esan beharbada nola behar lukeen, baina modua hori ez dela argi ikusten dugu.

Mutikoak gorputzeko organoak arrastatuz egiten duen ariketa, egin daiteke kartulina batzuk margotu eta goraizeekin moztuz. Eta beharbada, haurrek organoak marraztu eta kartulina mozten duten bitartean (denbora gehiago ematen dute horretan, elkarrekin hitz egiten dute, “bere” sentitzen dute...) gehiago ikasiko dute PDIan egin duenarekin baino: haur bat ariketa egiten eta irakaslea eta ikaskide guztiak begira. 

Esan behar, edonola ere, guk kirioak dantzan izango genituela gure klasean grabatzera sartuko balira. Ikusi eta baloratu zuek bideoa, iruzkinak eskertzen dira!

ERREKURTSO ETA BITARTEKO TEKNOLOGIKOEN ANTOLAKETA HEZKUNTZAN

Sarrera.

          Hezkuntza sistema modernoek  IKT-ak hezkuntza aldaketaren ahalbideratzaile bezala kontsideratzen dute.Ikus dezakegu nola hezkuntza  aldaketa bat eragin ditzakeela  eta aldaketa honek onartuta egongo da berrikuntza didaktikoa izateagatik.

Baina errealitatean gauzak ez dira horrela, Ikt-en sorrera hezkuntza zentroetan eraginkorra izan dadin, ezinbestekoa da zentro hauen antolakuntzan aldaketak egotea hau da, irakasle bakarra egotearen ideia tradizionala aldatzen eta kolaborazioan oinarritutako irakasle-ekipo konplexuagoengatik ordezkatzen ari denez, organizazio ereduak irakasleei maila altuagoa eskatuko die.

IKTen eredu antolatzaileak hezkuntzan

          Hiru eredu antolatzaile bereizi zituzten hezkuntzan:

• Eredu burokratikoa (erabiliena)
• Sistema soziala
• Komunitatea

          Nahiz eta hiru eredu hauek hezkuntza zentroetan  presente egon, eredu burokratikoa da irauten duena, baina zentro hauek estrategi eta teknika egokiekin kudeatuta egon beharko lukete, ezagutzen gizartearen eskaerak berriei aurre egiteko. Horretarako lau elementu daude parte hartzen dutena kudeaketa horretan:

• Zuzendaritza taldea (beharrezko konpetentzia antolatzaileekin).
• Baliabideak …(eskolen errekurtsoen gestiorako estrategia antolatzaileak).
• Hezkuntza administrazioarekin harremanak

-                       Eskolaz kanpoko agenteekin harremanak( komunitatea, gurasoak, beste eskola zentroak).

       Ondoren, hezkuntza zentro batzuek, IKTen integrazioa eman dadin, bereganatu dituzten antolakuntza modeloak jasotzen dira:

Adopzio teknologikoaren eredua: eredu honetan azpiegitura teknologikoaren, baliabideen antolakuntza eta irakasleen konpetentzi teknikoak lantzen dira.Ez dira hezkuntza zentroaren ikuskera eta helburua argi eta garbi adierazten. Irakasleak dira aldaketa agente nagusiak. Honako zentroetan pedagogia, azalpenean oinarrituta dago, horregatik esan genezake Ikt-en helburua komunikazio gaitasunak lantzea izango dela irakasleek erabiliko badituzte baliabide bezala.  

Katalitiko integrazio eredua: Zuzendaritza taldea ikuspegi oso argia duen aldaketaren klabea da. Garapen estrategikorako plana du, zein irakasleen formakuntza profesionalean oinarritzen den berrikuntza didaktikoa da eta curriculuma  zentroaren testuingurura egokitzen ahalegintzen da. lidergo argi bat dagoenez, zentroari behartzen dio etengabeko prozesu berritzaile batean egotea.

Integrazio kulturalaren eredua: Gaitasun indibidualak, autoikaskuntza eta etengabeko ikaskuntza jasotzeko gaitasunean oinarrituriko garapen maximoak sustatzen ditu. IKT-ek ikasleen eta irakasleen etengabeko hobekuntzarako baliabide gisa ulertzen dira.

 IKT-ek ikaskuntza-komunitateen eraikuntzan duten papera

Hezkuntza lidergoari dagokionean, XXI. Mendeko eskolekin bat datozen lau estilo ezberdin defini daitezke:

• Lider irakasgarri: eredu papera betetzen du, hezkuntza proiektua eta proiektu curricularra koordinatzen ditu, garapen profesionala sustatzen du …
• Lider transformatzailea: hezkuntza zentroaren hobekuntza sustatzen du eta kooperazio eta garapen profesionalaren bitartez honen berrikuntza.
• Lider integratzailea: langilegoaren, hezkuntza jardueraren eta baliabide ekonomikoen gestioen bisioak konbinatzen ditu, eskolako helburua etengabeko hobekuntzari zuzenduz.
• Lider kooperatzailea: Hezkuntza zentro guztiaren partaideek konpartitzen duten ardura gisa ulertzen da lidergoa.

          Bestalde, hezkuntza zentro orok,landu beharko luke hiru esparruetara zuzendua dagoen IKT-en Integraziorako Proiektua:

1. IKT-ek zentroaren proiktu kurrikularrean ezarritakoarekin koherenteak diren baliabide didaktiko gisa.
2. IKt-ek hezkuntza komunitatea osatzen duten kideen arteko komunikazio tresna gisa.
3. IKT-ek eskola zentroaren organizaziorako, gestiorako eta administraziorako baliabide gisa.

          Egungo egoera politikoa, ekonomikoa, soziala eta kulturala ez dira egokiak hezkuntza berrikuntza eman dadin. Gainera, inork ez ditu hartu nahi lidergo ardurak eta nahiz eta prestakuntza duen jendea gehiago egon, oraindik ere ez dago eskoletan ematen ari den teknologien integrazioari aurre egiteko irakasle nahikoak. Dena den, egoera hau normala da aldaketak uneoro ematen direlako.

         “Ikasten duten Organizazioak” (IO) “ taldeak oso paper garrantzitsua izango du. Ezaugarri nagusiak hauek izango dira:

• Ikuskera amankomunak.
• Errespontsabilitate kolektiboa.
• Ikaskuntza profesional bat sustatzeagatik, bai indibidualki zein taldeka.
• Talde bateko partaide bezala sentitzeko gaitasunak lantzen dituzte.
• Errespetua, babesa,ebaluazioa,lidergoa eta kudeaketa lantzen dira.

Ezagutzaren kudeaketa ikaskuntzaren gizartean

        Ikt-ek hezkuntza zentro desberdinak elkar konektatzeko baliabide bezala erabili dezakegu eta era berean informazioaren elkartrukea azkarragoa izango da. Nahiz eta momentuz abantailak bakarri ikusi, aipatu behar dugu Ikt-ek hezkuntzako arlo batzuetarako oso baliagarriak direla baina ez hain beste batzuentzat.

 Hezkuntza espazioen kudeaketa IKTen formakuntzarako

          Ikt-en sorrera ikasgeletan eragin esanguratsua eduki dezake ikasleek nola ikasten duten araberan eta irakasleek nola gela barruan  egiten duten lan arabera.

Gaur egungo ikasgela teknologiko bat honako ezaugarri hauek eduki behar ditu eguneratua egoteko:

• Adituek diseinatutako bideo, multimedia, testu eta grafikoz hornituta dauden on-line baliabideetara sarbidea, bertara sartzeko bertako edukiak zabaltzeko erraztasuna eskaintzen dituen zerbitzari.
• Ikasleek eduki dezaten bai ikasgela barruan zein kanpoan ikasteko aukera ematen dion teknologiak.
• Ikasle bakoitza norberaren ikaskuntza era erabiltzeko gaitasunak emango dizkie teknologiak.
• Teknologiari esker arlo desberdineko edukiak lortu ditzakete.

          Ikt-ek eta ezagutzaren gizartearen sorrerakin, liburutegiak bere funtzioak aldatu dituzte, gaur egungo prozesuei egokitzeko hau da, beste eremu batzuetara zabaldu egin baita, horrela ezagutzaren kudeaketari eskainitako espazio fisikoa, fisiko eta birtual batean bihurtu da.

 Giza-baliabideak IKTen hezkuntza antolaketarako.

         Zuzendaritza taldeak, Ikt koordinatzaileak eta informatikako teknikoak  ikt-en antolakuntza hezkuntza sisteman paper oso garrantzitsua jokatzen dute.

ESKOLA 2.0 ETIKETA BAT BAINO GEHIAGO.

Sortu ezinean, adoptatu

          Hezkuntzan ematen diren arazoei aurre egiteko ezin dira sortu erreminta berriak, hezkuntza ikerketari diru gutxi zuzentzen zaiolako. Hezkuntza berritzeko aukera ematen digun proiektuak diru gutxi jasotzen dute, horregatik “Web 2.0” baliatuz  “Eskola 2.0” sortu dute. Horregatik esan genezake sortu ezinean moldatu edo adoptatu egiten direla baliabideak. 

Zer inplikatzen du 2.0 kontzeptuak?

          Web 2.0-an erabiltzaileen parte-hartzean eta informazio trukaketan oinarritzen diren interneteko web-zerbitzuak definitzeko sortu den terminoa da. Termino honen erabilerarekin, interneten bigarren generazioa dela esan nahi da. Talde honetan sailkatu daitezke webgune sozialak, erabiltzaileen artean lankidetza eta informazioaren elkartrukatze azkarrean oinarritzen direnak.

          Web 2.0 ezarpenarekin ados daudenak,erreminta honek ikasleei eta irakasleei atxikitutako rolen aldaketa eta era berean betidanik eskolan eman diren irakaskuntza-ikaskuntza prozesuak aldatu daitezkeela posiblea dela adierazten dute.

         Ezaugarri nagusiak ondorengoak dira:

• Informazioa konpartitzea errazten duten baliabide desberdinen bitartez interakzioa sortzen da.
• Erabiltzaileak diseinatu dezake erabiltzen duena.
• Horien adibide dira: web komunitateak, web zerbitzuak, web aplikazioak, sare sozialen zerbitzuak, bodeoen zerbitzuak, wikiak, blogak, mashups eta folcsonomiak.
• Erabiltzaileei interakziorako bidea ematen die eta gunean zuzenketak egiteko aukera.

Politikariak leloen eta prentsa titularren beharrean.

          2009-ko irailean, Jose Luis Rodrigez Zapaterok, Espainiako lehendakari ohiak, Eskola 2.0-ren jaiotza ezagutzera eman zuen. Nahiz eta aldeko jarrerak eta kontrakoak egon, gizarteak egoera honen arabera  duen onarpena informazio falta dagoelako ez da izan izan behar zena. Horregatik galdetu genezake Eskola 2.0-ren helburua zein den? Non da edukien berdefinizioa? Non dago ikaslearen zein irakaslearen autoria? Non dago erabilera legitimora eramango gintuen salto kualitatiboa?  Eta bukatzeko, nori egiten dio mesede?

       Hezkuntza sistemari edo Hezkuntza sistementzat lan egiten dituzten enpresei?  Nor da onuradun? Nor izan beharko zen?

NOLA DISEINATZEN DITUGU IRAKASKUNTZA-IKASKUNTZA PROZESU BERRITZAILEAK IKT-EN LAGUNTZAREKIN.

           Ikaskideek egindako HOD-ak ikusi ondorengo ondorioak.

          IKTak Lehen Hezkuntzan irakasgaiko 4. klasean talde bakoitzak bere HOD-ren aurkezpena egin du. HOD bat egiteko egile tresna desberdinak ikusi ditugu: Edilim, Cuadernia, Hot potatoes Jclic eta guk erabilitako Scratch. Ikasleek klasean landu behar diren edukiak beste era baten ikus ditzakete eta gainera aukera dute jolasten ikasteko. Esan beharra dago  egile tresna hauen bidez eginiko aplikazioek ez dute sentsurik beraiekin ez badoa planteamendu didaktiko egoki bat.

          Orain azalpen txiki bat egingo dugu, guk erabilitako egile tresnaren arabera. Scratch oso programa erraza da erabiltzen. Eta oso irekia. Haurrek ere erraz ikasi dezakete erabiltzen. Era askotako edukiak lantzeko erabili daiteke eta era (metodologia) ezberdinetan. Sarritan, egina dagoen ariketa baten bila hasi ordez, egokiagoa (eta azkarragoa) izan daiteke HOD bat irakasleak berak sortzea egoerari egokituta. Horretarako, jakina, Scratch-ekin esperientzia pixka bat izatea komeni da, baina hasieran kostatzen bada ere benetan gomendagarria da programa.

Zerrenda

Lauhileko interesgarri honen amaieran IKT-en inguruan ikasi ditugun hitzen zerrenda egiten hasita, ohartu gara ez dela bukatzen. Hona aipatu daitezken batzuk!


Arrail digitala
IKTak 
Blog
Sare sozial
Email
Webquest

Moodle

Podcasting

Streaming

Crowdsourcing 

Glokal

Demokrazia

Ordenagailua    

Tableta

Informazioa    

Pendrive

Internet sarea

Komunikazioa   

Web 2.0 (blog, wikia, photopeach, …)

Inprimagailua    

Intranet 

Eskanerra    

Google maps

Disko konpaktua   

Entziklopediak/Hiztegiak (Wikipedia, …)

Kalkulu orriak (Excell, Google docs, …)

Ikasgelako bloga (Wordpress, Edublogs, …)

Bideo konferentzia (Skyoe en el aula, +1, …)

Komunitate birtuala (Sangakoo, NING, …) 

Sare sozialak: Foroak (aulablog, edmodo…), Email (Gmail…), Txatak (Facebook, Twitter…) 

Jolas kolaboratiboak (JClic, Cuadernia, …) 

Taldeko aurkezpenak (Slideshare, …)

Podcasting 

CD-ROM diskoa     

Cmap tools 

Arbel digitala  

Teknografia

Proiektorea   

Google earth 

Bozgorailua    

Audacity  (hizkuntzalaritza, musika)

Entzungailua   

Argazki kamera digitala    

Irudi konpositorea (Corel Draw, …)

Bideo kamerak    

Irudi editatzailea (Photoshop, …)

E-book (I-book, …)    

Web-cam kamera

Sakeleko konputagailua    

Interneti buruz, 1988an!

Harritu egin gaitu Ainhoari esker aurkitu dugun bideo honek. Interneti buruz 1988an Isaac Asimov-ek esan zituenak. Blog hau sortzea eragin duen lauhilekoa bukatzear dela, badirudi bizirik jarraitzeko aukera duela!

Howard Gardnerren bideoa

Bideo honetan ikus dezakegu, Eduard Punsetek elkarrizketan, Howard Gardnerrek inteligentzia ugari direla esan zuela orain 20 bat urte. Alegia, musikarako gaitasunari, taldean aritzeko gaitasunari... ere inteligentzia deitu ahal zaiela.

Eta bideoaren amaieran emozioen inguruan irakasleak zenbat hausnartu behar duen konturatuko gara. Emozioak erreminta gisa erabili behar ditugula (planifikatu, sustatu) ikaskuntza gertatu dadin. Daniel Golemanen liburua gogoraraz dezakegu.

Horratx bideoa, espero dugu gustatzea:

Escuela 2.0 Ezarpenaren datuak.

     Espainiar estatuan Escuela 2.0 deiturikoa apustu sendoa izan da, bere ezarpenean akatsak izan diren arren. Lehen urteko datuak, oso eguneratuak ez badira ere, hastapenak ondo planifikaturik izan ziren ikusteko balio dezake eta, batez ere, erkidego batzuek besteekin konparatzeko.

Datos Estadi Sticos Escuela2.0

     Oso deigarria da nola Kanariar Uharteetan 10.000 ordenagailu banatu ziren eta formakuntza jaso zuten irakasleak ere asko izan ziren, beste erkidegoekin alderatuta.

           Andaluzian eta Katalunian ordenagailu asko banatu baziren ere (biztanleria handia dela kontuan harut behar) formakuntza jaso zuten irakasleek ez dute proportzio bera, Andaluzian irakasleek beren kabuz ikasi behar izan dute seguru aski, Katalunian baino gehiago.

            Valentzian, Madrilen eta Murtzian batere ez, dirudienez.

            Eta EAEan deigarria da banatu diren unitate digitalen kopurua.

HDO eta bere ezaugarriak

    Nola definitu genezake Hezteko Objektu Digital bat? Esan genezake hezkuntza eduki bat dela, non bere helburua ikaskuntza den, eta bera bakarrik edo eta beste eduki batzuekin bateratuz, hezkuntza material multimedia bat sortzen duen. Objektu honek, funtzio didaktiko jakin bat betetzea du oinarrizko helburu.

    Zeintzuk dira HOD batek dituen ezaugarriak? Bada, anitzak dira ezaugarri hauek, eta teknologia, pedagogia eta ergonomiari egiten diote erreferentzi. Honako hauek izango lirateke:

• Multimedia: bitartekoak ezagututa, hauen multimedia baliabideak kontutan hartu behar dira, ahal den neurrian duten potentziala aprobetxatzeko.
• Elkarreragilea: HODtan aplikatzen diren ikaskuntza metodologiak elkarreragileak izan behar dute, helburu pedagogikoak zuzentasunez betetzeko.
• Beraietara iristea erraza izatea: edozein erabiltzailek erabili ahal izatea, teknologia maila neutroa izatea, ulerterrazak izatea, etab.
• Malgutasuna: erabiltzaileengatik kontrolagarriak izan behar dira, zehaztutako helburuetara iritsi ahal izateko.
• Modularra izatea: moduluz osatutako estruktura eduki behar du.  
• Berrerabilgarria: modulu ezberdinez osatua egoteak, modulu horiek beste unitate didaktiko batzuetan erabiltzea ahalbidetzen dute.
• Ulerterrazak: HODak gida batez lagunduta aurkeztu behar dira, funtzioak, helburuak, ebaluaketa bideak, etab azaltzen dituelarik.
• Portabilitatea: sistema estandarretan oinarrituak egon behar dira.

    Zeintzuk dira HOD baten osagaiak? Galdera honi erantzuteko, esan beharra dago, Objektu Digital batek, Hezteko Objektu bat bezala ulertu daitekeela, non eta hezkuntza bideratzeko erreferentziarik aurkitzen zaion. Hortik aurrera, agregazio mailak zehaztu behar dira, eta ere berean, maila bakoitza hiru aldagaik definitzen dituela: estruktura, funtzionaltasuna eta gertuko kobertura curricularra. Agregazio mailak honako hauek dira:

• 1. Maila, Oinarrizko Objektua: agregazio maila txikiena da, eta media edo media integratuak objektuak osatzen dute. Beraiek bakarrik ez dute funtzio didaktiko zehatzik betetzen. Adib: termometro baten argazkia, fisika, osasuna naiz klima ikasteko balio du. Objektu hauek media edo media integratua multzoan sartzen dira.
• 2. Maila, Ikaskuntza Objektua: ondorengo maila da, eta 1. Mailako objektuz osatua dago. Funtzio didaktiko zehatz bat betetzen duen maila txikiena da (Instrukzio Diseinua) . Ikaskuntza aktibitate bat edo gehiago ditu, baita bere ebaluazioa ere. Instrukzioa, ikasle baten hezagutza maila handitzen duena bezala ulertu behar dugu. Izan daitezke, adibidez: joko didaktiko bat, webquest bat, simulazio bat, esperimentu bat, etab. Modu honetan, Instrukzio diseinu batek honako elementuak eduki behar ditu:
•  Planifikazioa.
•  Ikaskuntza objektu zehatzak eta orokorrak.
• Landuko diren konpetentziak zehatzak.
• Ikaskuntza helburuen arabera sortuko diren ezagutza motak.
• Adostutako ebaluazio irizpideak.
• 3. Maila, Sekuentzia Didaktikoa: 2. Mailako objektu digitalez osatutako estruktura dauka. Ikasketa eta ebaluaketa ekintzak dauzka.
• 4. Maila, Formakuntza Programa: azken maila da, eta bertan, adibidez, hezkuntza errekurtso bakar batean, kurtso ezberdinetako baliabideak sartuak izatea. Hauek, 3. Mailako objektuez osaturik daude.

HOD Hezteko Objektu Digitala

Oraingoan Hezteko Objektu Digital bat diseinatzeko lana izan dugu. Oraindik bukatu gabe dago, baina norbaitek betatesting-a egin eta iradokizunak egin nahi badizkigu, garaiz gaude! Hemen dituzue oraingoz bi zati:

Eta hemen duzue gida didaktikoa , HOD (multzotxo) honen metainformazioarekin:

Gida digitala

View more presentations from mikelsgartzia.

HOD eta hezkuntza

    Denbora daramagu IKT-ek hezkuntzarekin duten harremanaz eta honengan duten garrantziaz hitz egiten, baita “sareak” eskaintzen dizkigun aukera pedagogikoak nabarmentzen. Oraingoan, HOD-ei (Hezteko Objektu Digitala) helduko diegu, IKTak eskolan integratzeko bide direla ulertzen baitugu.

         Esan beharra dago, objektu hauek oraindik garapen fase batean aurkitzen direla, beti ere erabiltzaileen beharretara eta hauek dituzten ezaugarri ezberdinetara egokitu behar baitira, besteak beste, hezkuntza curriculum ezberdinak, ikasleen adina eta ezagutzak, irakasleen IKTak erabiltzeko maila, gizartearen behar ezberdinak, etab. Beraz, HOD kopuru eta hauen eduki zabal eta ezberdin baten beharra ikusten da, eta ez hori bakarrik, baita sarean modu publikoan, dohainik, eta era ireki batean partekatzeko aukera ere, beti ere modu estandarizatuan. Hau izango bailitzake objektu hauetara heltzeko bide unibertsalago bat.

    Eskolak geroz eta erreminta teknologiko gehiagoz (eta berriagoz) horniturik daude, eta erreminta hauei errendimendu egoki bat ateratzeko beharra dagoela ikusirik, administrazioak, plangintza ezberdinen bitartez, besteak beste, Internet Eskolan (Internet en la Escuela) eta Internet Gelan (Internet en el Aula) planek objektu hauen sorkuntza, hedapena eta katalogazioa bilatu nahi da, eta bide batez, kalitatezko materialak sortzeko inbestigazioa sustatu. Baina azkenean erabiltzaileak moldatu, sortu eta birsortu daitezkeen objektuak izango dira objektu hauen hedapena ziurtatuko dutenak.

    Baina nola definitu HOD bat? Zein ezaugarri ditu? Galdera hauen eta beste batzuen erantzuna hurrengo post-ean aurkituko ditugu.

Zer da berrikuntza gelan?

Kontuz ibili behar da IKTak erabiliz gure ikasleentzako ariketak prestatu nahi ditugunean. Arriskua baitago (errazena honetan erortzea da, egia esan) irakasleak prestaketan izugarrizko lana hartzeko, eta ondoren ikasleei interesik gabeko bide gidatu eta ziztrina eskaintzeko.

Hezteko Objektu Digital bat egiteko agindu zaigun egunotan, hor ari gara pentsatzen... zer sortu. Eta sortzea askotan (beti?), aurretik sortuak ziren gauza batzuk era berritzailean elkartzea izaten denez, gutako batek mobilean zuen joko hau oinarritzat hartzea bururatu zitzaigun. 

Ideia honakoa zen: jokalariak salto eta salto besterik ezin du egin eta, gora doala, galdera bat azaltzen zaio noiz behinka (adibidez: balea ugaztuna da?); hurrengo saltoan bi gainazal izango lituzke aukeratzeko (zapaldu eta berriro salto egiteko), batak “bai” eta besteak “ez” idatzirik dutela; erantzun okerra aukeratuz gero, gainazalak kale egingo luke eta panpinarekin batera amilduko litzateke eta asmatuz gero, segi gora jolasten jarraitzera! Oso ideia ona iruditu zitzaigun! 

Baina halako batean... hori test bat da eta!! Test zeharo pobrea, gainera! %50 eko horietakoa! Ariketa hori prestatzeak (jokoa programatzeak) lan handia lekarkioke irakasleari eta txorakeria litzateke ikasleentzat. Litekeena da dibertigarri iruditzea, baina zenbat denboraz? 5 minutuz? Jolastera behartu beharko genituzke pantaila pasa arte? Akabo jolasa, hasi aurretik.

Aukera bat, beharbada, eduki jakin batzuk gaitzat hartuz ikasleei joku bat sortzeko eskatzea litzateke (Scratch-ekin nahiko erraza da). Gainera gero ikaskideei jolasten utzi eta jokoa interneten jartzeko ideiarekin... 11-12 urteko aurrentzat beharbada...

IKTek batzuetan berritzaile izaten ari garela pentsarazi diezagukete, baina, horretxegatik inoiz baino gehiago, metodologia zaindu behar dugu. Guk behintzat, ikasiko dugu Scratch erabiltzen, eta balea ugaztuna den edo ez errepasatuko dugu :-)))

Ea zer diseinatzen dugun! Hurrengo post batean eskainiko dugu txertatuta :-)

Nola diseinatu irakaskuntza-ikaskuntza prozesu berritzaileak IKTen laguntzarekin?

Jordi Adellek, bideo honetan, IKTak erabiliz irakaskuntza egokia egiteko TPAC izeneko eredua aurkezten du (Judith Harrisi hartuta). Eta oso egokia iruditu zaigu ikaskuntza-irakaskuntza prozesuak aurrera eramaterakoan (eta batez ere diseinatzerakoan) irakasleok iparra gal ez dezagun. Alegia, irakasgai zehatzaren edukiak, gure ekintzen pedagogia eta ezagutza teknologikoa landu behar ditugula, guztiak, eta ikasleentzako ariketak prestatzerakoan guztiei arreta eskaini.

Izan ere, ez da gutxi entzuna IKT-en eta metodologiaren arteko gatazka: IKT-ak erabiltzea ez dela irakasle ona izatea. Modernoa agian bai, baina irakasle ona izatea ez, pedagogia ahazten badugu. 

Eta egia da, baita ere, pedagogoen joera dela edukiei (ezagutzazko edo kontzeptualei) garrantzia kentzea. Garai batean garrantzia horri bakarrik ematen zitzaiolako, beharbada.

Beraz, blog honetan lantzen eta erakusten dugun irakasgaiaren hurrengo faseak ildo honi jarraituko diola uste dugu.

Ondoren, bideoaren sintesi labur bat eskaintzen dizuegu, beti ba omen dago norbait bideoak ikusi ezin dituenik (edo ikusi nahi ez dituenik).

 

    Irudiak azaltzen duen bezalaxe, TPACK (Technological Pedagogikal Content Knowledge) hiru multzoren batura da, edo beste era batera esanda, hiru multzoek elkarbanatzen duten ezaugarria da. Irudi honek, irakasle batek, bere jarduera modu egoki batean aurrera eramateko jakin behar duena da, baita teknologia berrien bitartez jarduera didaktiko digitalak diseinatzeko jakin behar duena.Sistema honen sortzailea edo ezagutzera eman duen pertsona, Judi Harris da, eta pertsona honen arabera, gaur egungo jardueren plangintza didaktikoa, “teknozentrikoa” da, hau da, teknologia edo erreminta jartzen da jardueraren erdian, eta ez dugu ahaztu behar, ikasleak direla jarduera guztietako erdigune, “ikaslezentrikoa” behar luke izan.

    Irudiarekin jarraituz, hiru multzoak zer diren azaltzen hasiko gara. Batetik, edukien multzoa dago (urdina), honek esaten du, irakasle batek, lehenik eta behin edukia menderatu behar duela, gainontzean nola irakatsi eduki hori? Honi, “zer irakatsi” deituko genioke. Multzo horia berriz, pedagogiari egiten dio erreferentzi, hau ere, irakasle batek jakin beharrekoa ere, eta honi “nola irakatsi” esango genioke. Azkenik, multzo morea, irakasle batek teknologia ezagutzeari eta erabiltzen jakiteari deritzo, hau, azken urteotan derrigorrezko bihurtu den zerbait izanik.

    Hiru multzo hauen elkartzeak, multzo txikiago batzuk sortzen ditu. Batak, edukiaren pedagogia ezagutza azaltzen du; besteak, edukiaren ezagutza teknologikoa; eta beste batek, ezagutza teknologiko-pedagogikoa. Baina guztien erdian azaltzen den txikitxo hori da, lortzen saiatu behar duguna, hau da, edukiaren ezagutza teknologiko-pedagogikoa. Hiru alderdiak menperatu behar dira, eta era beran hiruak bateratu eta praktikara eramatea lortu behar da.

    Irakaslearen plangintza, modelo honen arabera, ikasleari egokitua (norberaren ikasleei noski), testuinguruari lotuta, jardueretan oinarrituta eta ohizkoa izan behar du. Jarduera bat diseinatzeko orduan, hainbat pausu jarraitzera gomendatzen gaitu modelo honek:

1.        1-Curriculumeko zein atal landu nahi den jakitea, arloari dagozkion helburuei erreparatuz.

2.        2-Jarduera didaktikoaren erabaki pedagogiko praktikoak hartzea.

3.        3- Sekuentzia didaktiko bat sortzeko orduan, jarduera egokiak aukeratu eta sekuentziatu.

4.        4-Ebaluaketa estrategiak aukeratu.

5.        5-Eta azkenik, erremintak aukeratu.

    Azkenik, esan behar dugu, naiz eta teknologiak asko lagundu gaitzakeen, ezin dugula ahaztu pedagogia on batek didaktika hobetuko duela, eta ez teknologiak. Azken hau, erreminta baino ez da, baina pedagogia ona bada eta teknologia baita, bien elkarketak, emaitza hobetuko du.